पुरोहितकुल मे जन्म धरा़यो
सेवड घराणे जन्म लियो !
बाबुसिहजी रा पुत्र लाडला,
माँ सीतादेवी हिलरायो !!
बावडी(फलोदी) जन्मभोम मे,
साथीडो संग मे खेलायो !
पाँच भायो में प्यारा घणेरा,
भक्तिरो पथ अपनायो !!
बाराह वर्ष री बाली ऊँमर मे
आप झुँजाणीनाडी आयो !
गुरु प्याऊ पर ग्यान धन पायो
सतमन ध्यान लगायो !!
तुलसारामजी शहण मे लिना
कृपा कर अपनायो !
काशी भणवा आप ने भेजीया
चारोई वेद भण आयो !!
सादर दै थाँने शिष्य बणाया,
अजर अमर पद्द पायो !
पुरोहित कुल रा भाग जगाया
ग्यान री बर्खा करायो !!
जन्म भोम मे गुरुजी संग आया
कुटम्ब यात्रा करवायो !
साधु सन्त आरु भक्त घणेरा
बावडी मे मेळो छायो !!
मंगल साँभेला किना मावडी
आप ने भिक्षा दिरायो !
